Here Comes the Sun

那一整片沒有角度, 沒有形狀的黑色煙霧,
可以侵蝕地平線上的事物
同化山水大地

痛心疾首?
請君定睛凝視
藏匿在烏雲後的晴天白雲, 不是誰都看得見
看不見不等於不存在

她們在三維空間展示曼妙的舞姿

雨下了雙十年頭

音樂仍在風中飄揚

選擇選擇

選擇生活選擇工作選擇職業選擇家庭選擇他媽的一個大電視選擇洗衣機汽車雷射唱機電動開罐機選擇健康低卡里路低糖選擇保險計劃選擇物業選擇朋友選擇運動服和皮箱選擇一套他媽的三件套西裝選擇DIY在一個星期天早上他媽的搞不清自己是誰選擇在沙發上看無聊透 頂的遊戲節目往口裡塞垃圾食物選擇腐朽呆坐在悲哀的家裡用你的精子造出取代你的自私小鬼

選擇你的未來，你的生活。

但我幹嘛要做？我選擇不要生活， 我選擇其他。

理由呢？沒有理由。



當個腐爛的混混，這算是選擇捨棄了生活嗎？這只是生活選擇捨棄了我。它有自己的標準。它從人類的手上誕生，現在反過來成了嚮導的指偶，叫我們不得不在迷霧中跟著走。它的暗影，起初在背後亦步亦趨，後來在我們的支撐下變得巨大，壓得透不過氣。它在何處？它在任何一處。我沒有選擇生活的能力，只有生活選擇我。

謝長廷：拆大中至正牌匾是新時代的開始

陳水扁終於拆下「大中至正」, 令台灣充滿台獨色彩。
好叻咩??
應該跟香港學習學習, 倒塔咁早就成個皇后同天星拆鬼左, 仲等你呀?
你都係拆個4個字, 我地成個擺走! 遲下我地將皇后大道改埋變特首大道系列, 團結特區力量!
學野啦

無題

無題，在老夫子漫畫裡出現過上千次。
Untitled，是在windows save files時才首次接觸的。
那時還很笨，誤以為是United。

多謝燈神。
能夠識到一個會整芝士蛋糕既人已經唔易，
整好仲係送俾我既，更加係三世修來既福氣。

星期日，某人提及天生一對。
天生一對，如果淨係講樣，似乎太唔公平。
畢竟，樣係天生既，唔係人可以後天改變既事。
當然你可以整容化妝，不過呢種假膠人，我唔當佢係人喇。
(fake plastic people下話，係由radiohead既fake plastic tree悟出黎既道理，我非常主觀地認為，Thom係講緊呢回事!)

如果由一樣，不能被控制既因素，黎決定是否天生一對，未免太唔理性。
亦都帶黎好多不必要既爭吵，吵吵下就分手，幾唔抵。
所以我覺得，應該由你地既行為、性格黎睇。
例如男朋友鍾意聽歌，女朋友鍾意唱歌、
男朋友鍾意人地食野既幸福相，女朋友鍾意享受食物帶俾佢既幸福感覺...

喂，唔係天生一對，咁點算？
咁人夾人緣，咁岩撞唔正都唔駛怨架...
有時候，愛一個人，就要做d你唔鍾意做既事架啦。咁先有趣味既。
(唔好意思，呢句我係抄既，九把刀先生既<<殺手>>，翻睇，仍然好熱血，好精彩。)

冬天著衫都有學問，
你係要著得多衫，但又唔可以太多；
著完，仲有少少寒意，就完美喇。
話哂都係冬天丫，唔打冷震點得呢？

琴晚見到食環署清潔工人，９點幾仲未收工。
其實每晚探完雷，行返屋企都會見到佢。
經濟好轉，企業家吸金，勞動階層丁點著數都攞唔到。
當勞話，生意佬呀生意佬，有良心既咪加下人工咯。
痂人說夢。
生意佬只會看在錢既分上姐，良心？錢咪係良心咯！

天星碼頭，有人話示威者癲癲地，政府都諗好哂啦反乜９。
..............
明白...
難怪，香港仲未有民主........


p.s. 手指凍到硬哂，彈唔到結他喇...

樓梯

我成日經過粉嶺火車站。
由聯和墟去火車站，通常都會過十字路口，
入去隧道，
轉左轉右，
上長命斜，
過左消防局對開條行人路，
你就會上停車場條樓梯。

好，條樓梯就係戲肉喇。

如果你唔係眼生癬，你點都會留意到，
樓梯底有個凹位，
凹位有個老人家，
太陽升起，佢就坐；
太陽落山，佢就訓；

每一次行過，都好想坐低傾一傾。
點解會自己一個流浪街頭？食乜？
都唔一定係傾呢種問題既。
總之，佢絕對係一個教到我好多野既人，
而我，對佢黎講，應該係一條煩膠，唔係黎俾錢佢捱落去既煩膠。

可惜我自己怕事，唔敢學下蘇格拉底，失驚無神拉住廣場既人傾計。
學成之日，變成不折不扣既傻佬...

因為每一次都見到佢，習以為常，認為自己總有一日，可以認識呢個人...



最近，有冇去過粉嶺火車站？
十字路口、隧道、長命斜、行人路、
樓梯。

樓梯再唔係你所熟悉既樓梯。

凹位被封死了。
「工程進行中」


觸目驚心。
只係封死該位置。
巧合到，就好似，為左殺死個位老人家，
而搵塊板封實。



佢死左？
佢走左？




今個星期六，東華又出show，
一出ｓｈｏｗ就轉涼，年年都係咁。
捐款捐款，係咪真係幫到人？
俾班總理出哂行政費，邊個知？

去山區學校，幫到既，係咪真係個班兒童？
我覺得，得益者始終都係去個班友。
幫人，其實幫緊自己姐。
去山區，去上一堂課姐。