Highway to Hell

今晚足總盃，布力般迎戰曼城。

技術問題，睇左下半場。

曼城隊長可能心火盛，下下都蓄意收人檔；奇就奇在咁都仲可以踢足成場！5場聯賽，輸４場和１場，和個場唔好以為好勁，都係互交白卷咋！唔好計你有冇成績，盲既都睇得出你地冇心機踢啦；個個死魚眼，得老孫自己一個扭扭扭，其他人食花生！七十幾分鐘先換入samaras都算喇，可能又想使出後備絕招呢......但係竟然擺佢踢右！？踢右！？踢右！？

補時果陣，見到有blues直頭一路喊，一路鬧......好好地一班波，搞到自己咁既樣......盃賽一遇到英超球隊就食哂屎，聯場攞夠30分就漏哂氣；根據死肥仔既經驗，３８分就脫離死亡格仔，曼城仲差８分。好喇，你邊到攞８分？遲下星期三主場劏車？然後食住個勢收哂其餘三巨頭皮？做巨人殺手？我怕你連茶都唔曉嘆，送３分俾人爬頭！

city好似踏上左去地獄既高速公路咁喇......亦都好似會考題個d freefalling既波咁......的確無論你地有幾差，我都會將this is our city掛係心口......但到時真係 Whitout a dream in my heart喇......

"For all their efforts it's not to be for City again"

efforts?邊度?個幾腳踩人係幾有effort架，足哂料。
遲d可能會多一篇，標題係來季英雄再見。

THE ONLY FOOTBALL TEAM TO COME FROM MANCHESTER？？？

嘿.......