大埔一蚊雞回憶錄

英超睇波好很貴，閒閒地都要廿幾三十鎊，難怪入座率愈來愈低。曼城就另計啦，平均入座率冠絕英超架！近排布力般推出新噱頭 ，小童只收１鎊，以培育新一代既球迷咁話。如果香港足總照做，又唔知行唔行得通？我都好想去大埔見識下咩叫主場呀，話哂都係我hometown，幾有親切感。

I love you WoFu , I do
I love you WoFu , I do

十年，離開左大埔十年，終於返去大埔街市食飯。不過街市已經重建變新街市喇。唉其實區區都係咁，個個街市都一模一樣。呢個新街市同我印象中差好遠，乾淨、整齊；但依然懷念地下既污水，冇坑渠蓋既坑渠，極易迷路既佈局、仲有唔穩陣既摺檯。我想食西多士......
以前樓下個公園，有條大蟲，大毛蟲。真係好大，俾ｄ毛都未出齊既細路爬。我細個好鍾意挑戰佢，但直至我走個日，我都只係敢爬到去第一個死亡彎位。
我知就咁講好難明，我試下畫出黎。

見唔見到？死亡彎位，姐係由start計起第一個山頂位。我知咁都爬唔哂係好瘀，但係條蟲咁大，嘩大我咁多，我怕會跌死所以唔爬哂都係人之常情丫。其實當時究竟有冇細路爬得完？究竟年中跌死左幾多個勇士？

上年去睇返，條蟲已經唔係度。都係既，佢都幾悶架，日日見住ｄ傻仔爬佢背脊，得啖笑。可能佢進化左做巴他蝶，又或者死左。Ｒ．Ｉ．Ｐ